▪︎▪︎ "وصمة العار" إن الرابطة تعمل قرعة وتنشرها الفجر وكل الناس تقول إن ليه مواعيد الماتشات دي، وليه الأهلي والزمالك في الأسبوع ده، والكل عارف السبب. ▪︎▪︎ "وصمة العار" لما حكم ينزل ماتش مش عاوز يدي إنذار للعيبة رغم المخالفات الواضحة عشان يلعب الماتش اللي بعده وما يغيبش. ▪︎▪︎ "وصمة العار" إن لعيبة تتحبس على ذمة قضية، بس اتحاد الكرة يطنش العقوبات الرياضية وكأنهم معملوش جريمة موثقة فيديو، وقالك التقرير ضاع.. وبسبب جريمتهم اتحكم عليهم بالسجن ولولا عفو رئيس دولة الإمارات ما كانوا طلعوا أصلاً من السجن. ▪︎▪︎ "وصمة العار" إن المدرب جوميز يضرب حكم وميطلعش أي عقوبة لحد ما الراجل أصلاً مشي من الفريق بعد 3 شهور. ▪︎▪︎ "وصمة العار" إن الرابطة تستخدم بند عشان يخفف عقوبة جمهور وميتعاقبش بالحرمان ماتشين وهو على فكره "شبيه بند 63/2". ▪︎▪︎ "وصمة العار" إن فريق كل سنة ياخد رخصة المشاركة في البطولة الأفريقية بالمخالفة لكل القوانين وبالمجاملات والتحايل على اللوائح. ▪︎▪︎ "وصمة العار" إن ينطلب حكام أجانب للقمة ويتكتب في الخطاب الحكام دول عشان النزاهة والشفافية.. وإنت تطنش وتجيب حكم مصري ومش دولي حتى.. ▪︎▪︎ "وصمة العار" إن عضو اتحاد كرة سابق يطلع يعترف على الهواء بتوجيه الدوري لبيراميدز. ▪︎▪︎ "وصمة العار" إن عضو اتحاد الكرة يصر على إنه يجيب حكام أجانب لفريقه السابق ضد الزمالك وميتنفذش ده في ماتش الأهلي. ▪︎▪︎ "وصمة العار" إنك تشجع القرارات اللي على المزاج وتعترض على القرارات اللي من نفس الهيئة عشان مش على المزاج. ▪︎▪︎ "وصمة العار" دي يتعمل فيها ومجلدات وبرامج رياضية.